ياتكون أد الحياة يتعيش وحيد وسط الدروب

السلام عليكم ورحمة الله وبركاته
دلوقتي حالا وقبل صلاة الفجر وبعد لما كلمت قلبي قصدي حبيبي
حسيت اني مرتاح الي حد ما
حسيت اننا اكيد لبعض مهما فرقتنا الايام واختلفنا علي مر الايام
حسيت بمشاعر مختلفه شويه
وحبيت اقول الكلام ده

اليأس ضعف وخوف جبان
لكن الأمل يفتح ببان
ياتكون أد الحياة
يتعيش وحيد وسط الدروب
ألمس خضار الشجر
حس بضياء القمر
أنقش قلوب علي الحجر
علي شىء ماتندمشي
إمشي الطريق إمشي
العمر ايه يرويه غير قلب مايخفشي
النور مكانه في القلوب
أحضن خيوط شمس الغروب
لناس كتير ترضي المصير
وناس تشوف بضمير ضرير
حلي مرار الأيام
قوم لون الأحلام
وأوعي ماتضحكشي
جسدك في قلبه الروح
تداوي كل جروح
بالسر أوعي تبوح
واياك ماتحلمشي